Mbrëmë pas orës 23, në qendër të Bernit, 50 metra larg stacionit të
trenit, janë sulmuar tre futbollistë të Prishtinës, të cilët bashkë me
klubin po qëndrojnë në Zvicër për fazën e parë përgatitore. Sulmin e ka
konfirmuar për ORAinfo lideri i tifozëve të Prishtinës, “Plisat”, Albert
Kastrati – Tigri. Ai ka thënë se futbollistët e sulmuar, të cilëve nuk
ka dashur t’ua përmend emrin tash për tash, mbanin veshur fanella me
logo të klubit. Derisa me këtë rast ka pësuar edhe gazetari i klubit,
Avni Durmishi, i cili edhe është shtruar në spital.
