Nuk mund të quhet huazim, por një vjedhje me plot kuptimin e fjalës. Këtë e bënë dy këngëtarë turq, të cilët e shndërruan këngën “Tallava” nga gjuha shqipe, në një hit turk.
Kanka dhe Malik quhen dy këngëtarë që kanë shfrytëzuar gjithë idenë kreative të Florit për të realizuar një këngë në gjuhën turke, por që titullohet “Le Leyli”.
Kënga “Tallava” e Florit u shndërrua në sensacion në mbarë ballkanin me miliona klikime në Youtube dhe me inspirime të shumta të këngëtarëve tjerë ballkanas.
Duke komentuar çështjen e kopjimit të këngës nga turqit, menaxheri i Florit, Andy Gramm, ka deklaruar se ai nuk di asgjë.
“Ne nuk jemi në dijeni për këtë, por pasi t’i marrim informacionet e nevojshme do të ndërmarrim edhe masa ligjore”, ka deklaruar Andy për emisionin Prive